Innanlandsflugvellir
Við hjá Isavia Innanlandsflugvöllum erum reglulega að leita að glaðlyndum einstaklingum sem hafa áhuga á að taka þátt með okkur á flugvöllum félagsins. Óskað er eftir snyrtilegum einstaklingum sem hafa áhuga á að vinna í fyrirtæki þar sem umhverfi, öryggi og framúrskarandi þjónusta eru höfð að leiðarljósi. Gestir okkar og viðskiptafélagar eru bæði íslenskir og erlendir og því gerum við kröfu um góða tungumálafærni í öllum störfum. Starfsstöðvar okkar eru um allt land en stærstu starfsstöðvarnar eru í Reykjavík, Akureyri, Egilsstöðum og á Ísafirði. Almenn umsókn um starf hjá Isavia Innanlandsflgvöllum kemur ekki í staðin fyrir umsókn um auglýst störf. Almennar umsóknir gilda út almanaksárið, ef þú hefur ekki heyrt frá okkur um áramót og ert enn að leita þér að starfi hvetjum við þig til að endurnýja umsókn þína. Í samræmi við lög um þjóðskjalasafn er umsóknum eða upplýsingum um umsækjendur í kerfum Isavia ekki eytt.
Við leitum að öflugum og þjónustulunduðum einstaklingi til starfa við flugvallarþjónustu á Bíldudalsflugvelli. Starfið er fjölbreytt og krefjandi og felur í sér margvísleg verkefni sem tengjast daglegum rekstri og þjónustu flugvallarins.
Helstu verkefni og ábyrgð
- Sjá um daglegt eftirlit, rekstur og viðhald flugvallarmannvirkja og búnaðar
- Tryggja örugga og hnökralausa starfsemi flugvallarins í samræmi við verklag og reglur
- Annast snjóruðning og hálkuvarnir til að tryggja öruggar aðstæður fyrir flugumferð allt árið um kring
- Halda uppi samskiptum við flugumferð í gegnum flugradíó (AFIS)
- Sinna björgunar- og slökkviþjónustu flugvallarins
- Bregðast við atvikum og tryggja viðeigandi viðbrögð við ófyrirséðum aðstæðum
- Taka þátt í þjálfun og viðhaldi á hæfni sem snýr að öryggi og rekstri
Menntunar- og hæfniskröfur
- Meirapróf og vinnuvélaréttindi - Frumnámskeið
- Iðnmenntun sem nýtist í starfi er kostur
- Reynsla af slökkvistörfum og snjóruðningi er kostur
- Góð tölvukunnátta er nauðsynleg
- Gott vald á íslensku og ensku
Til að geta sinnt flugvallarþjónustu þarf viðkomandi að ljúka grunnnámi í bæði flugvallarþjónustu og flugradíó.
Standast þarf læknisskoðun og þrekpróf til að geta sinnt slökkviþjónustu.
Unnið er á vikuvöktum ásamt bakvakt
Við hvetjum áhugasama aðila, án tillits til kyns og uppruna, til að sækja um.
Nánari upplýsingar veitir Páll Janus Hilmarsson umdæmisstjóri, [email protected]
Umsóknarfrestur er til 18. október
Vegna kröfureglugerðar um flugvernd þurfa umsækjendur að standast bakgrunnsskoðun lögreglu og vera með hreint sakavottorð.